2002 کے فسادات کے بعد بہت تیزی سے یہ علاقہ آباد ہونے لگا۔
ویسے تو یہ علاقہ کانگریس کا گڑھ مانا جاتا ہے لیکن گزشتہ 17 برسوں سے ترقیاتی کاموں سے محروم ہے اس پر مقامی باشندہ غلام نبی شیخ نے کہا کہ 1998 سے اس علاقے میں لوگ بسنے لگے لیکن اس علاقے میں اب تک کسی بھی طرح کی بنیادی سہولیات فراہم نہیں کی گئی ہے۔
یہ علاقے اب تک بنیادی سہولت سے محروم، متعلقہ ویڈیو ایک طرف ڈمپنگ سائیڈ ہے جہاں پورے احمد آباد کا کچرا لاکر ڈمپ کیا جاتا ہے۔ وہیں دوسری جانب گھنی بستی ہے جہاں غریب مسلمان بڑی تعداد میں آباد ہیں ۔ گرمی کے موسم شروع ہوتے ہی یہاں پانی کی قلت ستانے لگتی ہے اور لوگوں کو دور دور جا کر ٹینکروں کے ذریعے پانی بھرنا پڑتا ہے۔ یہاں گزشتہ پندرہ برسوں سے پانی کے ٹینکر سے پانی پہنچایا جارہا ہے کیونکہ یہاں سرکاری پانی کا نل نہیں دیا گیا ہے۔ اسی لیے لوگ یہاں پر صاف پانی خرید کر پیتے ہیں تو کبھی کبھار ٹینکر سے پانی حاصل کرلیتے ہیں۔علاقے میں موجود خواتین کا کہنا ہے کہ یہاں پانی بالکل نہیں آتا اور پانی آتا ہے تو الگ الگ رنگوں کا آتا ہے۔ دوسری خاتون کا کہنا ہے کہ یہاں پانی کے ساتھ ساتھ اور بھی بہت ساری پریشانیاں ہیں جیسے کہ تعلیم روزگار ،بنیادی سہولیات اور کتوں کے قہر نے ہمارا جینا دشوار کر دیا ہے۔ اس علاقے میں ہیلتھ بھی ایک بڑا مسئلہ ہے کیونکہ گندے پانی سے بڑی تعداد میں لوگ بیمار ہوجاتے ہیں تو کبھی کچرے کے پہاڑ کی بدبوسے لوگوں کا سانس لینا بھی مشکل ہو جاتا ہے۔ اس کی وجہ سے یہاں احمدآباد کے سب سے زیادہ لوگ ڈوگ بائٹ ،ٹی وی دم،دل اور جلد کی بیماری سے کا شکار ہو جاتے ہیں ۔ ایسے میں ہم چاہتے ہیں کہ جلد سے جلد ہماری مشکلات کا حل نکالا جائے ماہ رمضان اور علاقے کی پریشانی کو دیکھتے ہوئے اس علاقے کو بنیادی سہولیات مل سکیں اس غرض سے الپ سنکھیک ادھیکار منچ کے ایک وفد نے احمدآباد میونسپل کارپوریشن کے کمشنر سے ملنے تو گئے تھے، لیکن ملاقات نہ ہونے پر ان کے پی اے کو میمورنڈم سونپا۔اس سلسلے میں الپ سنکھیک ادھیکار منچ کے رکن محمد شریف ملک نے کہا کہ احمدآباد میونسپل کارپوریشن اس علاقے کے ساتھ بھی بھید بھاوکر رہی ہے اسی علاقے میں ترقی کے نام پر ،پانی کی ٹینکر کے نام پر کروڑوں روپے کا کرپشن بھی کیا جارہا ہے۔ ایسے میں الہ سنکھیک ادیکار منچ ان علاقوں میں رہنے والے لوگوں کے ساتھ کھڑا ہے اور انہیں انصاف دلّا کر رہے گا اگر احمدآباد میونسپل کمشنر نے علاقے کے لئے کوئی قدم نہیں اٹھایا تو ہم بڑے پیمانے پر علاقے کو انصاف دلانے کے لئے تحریک چلائیں گےایسے میں دیکھنا دلچسپ ہو گا کے گجرات ماڈل کہا جانے والا احمد آباد شہر کے اس علاقے کو کب بنیادی سہولیات فراہم ہوتی ہے اور کب مقامی لوگوں کی پریشانی حل ہوتی؟
