ایسے حالات میں اسمبلی اجلاس کا آغاز ہونے سے قبل ہی کانگریس کے رکن اسمبلی عمران کھیڑا والا نے اپنے خون سے اس قانون کی مخالفت کرنے والا ایک پوسٹر بنایا اور اسے لے کر اسمبلی پہنچ گئے، ان کا ساتھ دریاپور کے رکن اسمبلی غیاث الدین شیخ نے دیا۔
توقع کی جا رہی ہے کہ اگر حکومت اس قانون کی حمایت میں بل منظور کرتی ہے تو کانگریس اس کی جم کر مخالفت کرے گی۔
گجرات اسمبلی کا خصوصی اجلاس شروع ہوتے ہی گجرات کے گورنر خطاب کرنے پہنچے لیکن کانگریس نے خطاب کا بائیکاٹ کرتے ہوئے ہنگامہ آرائی شروع کردی جس کے بعد گورنر اپنے دو گھنٹے طویل خطاب کو محض 9 منٹ میں ختم کرکے اسمبلی اجلاس چھوڑ کر روانہ ہو گئے، اس ہنگامے کے بعد اسمبلی کی کاروائی کو کچھ وقت کے لیے ملتوی کردیا گیا لیکن بعد میں ایک بار پھر اجلاس شروع ہوا۔
اب دیکھنا یہ ہوگا کہ سی اے اے اور این آر سی کا حمایتی بل اسمبلی میں منظور ہوتا ہے یا نہیں اور آگے چل کر کانگریس اس کے خلاف کیا رخ اختیار کرتی ہے۔
