سارا بھائی ریاست گجرات کے احمدآباد کے ایک معروف کپڑا کاروباری کے گھر 12اگست ،1919کو پیدا ہوئے ۔
وکرم سارابھائی کا شمار بھارت کے عظیم سائنس دانوں میں کیا جاتا ہے۔
سارابھائی نے بھارت کے خلائی تحقیق کے شعبہ میں کافی تعاون کیا ہے۔انہوں نے سنہ 1947 میں احمدآباد میں فیزیکل ریسرچ لیبوریٹری (پی آر ایل)قائم کیا ۔
سائنس دانوں نے جب خلائی تحقیق کے لیے سیٹلائٹ کو ایک اہم ذریعہ کے طور پر دیکھا تو اس وقت کے وزیر اعظم پنڈت جواہر لال نہرو اور ہمی بھابھا نے وکرم سارابھائی کوچیئرمین بناتے ہوئے انڈین نیشنل کمیٹی فار اسپیس ریسرچ کے قیام کے لیے حمایت دی ۔
سارا بھائی نے 15اگست 1969کو انڈین اسپیس ریسرچ آرگینائزیشن (اسرو)کا قیام کیا۔
وکرم سارابھائی کا 30دسمبر 1971 کو 52 برس کی عمر میں ترووننتپورم میں انتقال ہوگیا ۔
