پولیس نے پیر کے روز بتایا کہ بھابھر ۔ دیودار قومی شاہراہ پر کھارا گاؤں کے نزدیک اتوار کی رات ایک کار بے قابو ہوکر ایک موٹر سائیکل سے ٹکرا گئی۔ حادثہ کے بعد وہ درخت سے جاٹکرائی۔ حادثہ میں موٹرسائیکل سوار تین افراد اور کار ڈارئیور کی موت ہوگئی۔ جب کہ کار میں سوار دیگر دو افراد زخمی ہوگئے۔
ہلاک شدگان کی شناخت کھارا کے امرت بھائی چودھری، ونود بھائی چودھری، پرتاپ بھائی چودھری اور کار ڈرائیور لاڈو بھائی پرمار کی حیثیت سے کی گئی ہے۔ زخمیوں کو ڈیسا کے اسپتال میں داخل کرایا گیا ہے۔ پولیس نے اس ضمن میں کیس درج کرکے ضروری کارروائی کا آغاز کردیا ہے۔
