گجرات میں کورونا وائرس سے پہلی موت

دنیا بھر میں کورونا وائرس کا قہر جاری ہے گجرات میں بھی کورونا آگ کی طرح پھیل رہا ہے وہیں گجرات میں آج کورونا وائرس سے پہلی موت ہوئی ہے۔

ریاست گجرات کے ضلع سورت میں 67 سالا بزرگ خاتون جو گزشتہ کئی دنوں سے ہسپتال میں داخل تھی ان کی کورونا وائرس سے آج موت ہو گئی ہے۔

بتایا جا رہا ہے کہ متاثرہ خاتون کے پہلے سے ہی گردے فیل ہو چکے تھے اور وہ دمہ کی مرض میں بھی مبتلا تھیں۔

کورونا وائرس کے کے پیش نظر آج گجرات کے نائب وزیر اعلی نتن پٹیل نے اس کی جانکاری دیتے ہوئے بتایا کہ گجرات میں اب کورونا وائرس کے 18 معاملے مثبت ہوچکے ہیں، جن میں احمدآباد میں 7سورت میں 3 راجکوٹ میں 1 وڈودرا میں 3 گاندھی نگر میں 3 کیس مثبت آئیں ہیں ۔

گجرات میں کورونا وائرس سے پہلی موت

واضح رہے کہ 273 مشتبہ مریضوں کی جانچ ابھی تک کرائی گئی ہے،جن میں سے 18 کی رپورٹ مثبت آئی ہے۔

نائب وزیر اعلی نتن پٹیل نے مزید کہا کہ گجرات نے مشتبہ مریضوں کوکم سے کم 14 دنوں تک گھر کے اندر ہی رہنے کا مشورہ دیا گیا ہے۔

انہوں نے کہا کہ ان اصولوں پر عمل نہ کرنے والوں کے خلاف قانونی کارروائی کی جائے گی۔