اس تعلق سے وقف پروپرٹیزی بچاؤ مہم کے صدر بدرالدین شیخ نے کہا کہ گجرات وقف جائیداد میں بدعنوانی کا معاملہ تو پہلے سے ہی کورٹ میں زیر سماعت تھا اس کے بعد وقف کی نئی باڈی کے تعلق سے بھی کورٹ میں چیلینج کیا گیا۔
یہ باڈی وقف کے آئین کو ملحوظ رکھتے ہوئے نہیں بنائی گئی ہے ۔اس معاملے پر مختلف تنظیموں کے ساتھ ایک مٹینگ گذشتہ دنوں کی گئی تھی جس میں کئی اہم فیصلے کیے گئے۔
گجرات وقف باڈی کے دوبارہ انتخابات کا مطالبہ
وہیں سینیئر صحافی حبیب شیخ نے کہا کہ وقف کی باڈی کے انتخابات پر بھی ہائی کورٹ میں ایک مقدمہ چل رہا ہے۔ اس میٹنگ میں اس بارے میں تفصیل سےبتایا گیا۔ ہمارا مطالبہ ہے کہ وقف باڈی کا دوبارہ الیکشن کیا جائے جس میں ایسے افراد منتخب ہوکر آئیں جنہیں شریعت کا علم ہو، اور اس کا کسی سیاسی پارٹی سے کوئی تعلق نہ ہو۔
