کانگریس نے گجرات انتخابات کے لیے امیدواروں کی حتمی فہرست جاری کر دی ہے۔ پارٹی کی جانب سے 37 نشستوں کے لیے مزید امیدواروں کا اعلان کیا گیا ہے۔ اس طرح کانگریس نے تمام اسمبلی سیٹوں کے لیے اپنے امیدواروں کا اعلان کر دیا ہے۔Congress Releases Final List of Candidates
فہرست کے مطابق، کانگریس نے پالنپور سے مہیش پٹیل، دیودار سے شیوا بھائی بھوریا، کانکریج سے امرت بھائی موتی جی ٹھاکر، انجھا سے پٹیل اروند امرتھل، ویز نگر سے کیرتی بھائی پٹیل، مہسانہ سے پی کے پٹیل، گاندھی نگر شمالی سے وریندر سنگھ کو ٹکٹ دیا ہے۔ اس کے علاوہ پڈرا سے جشپال سنگھ، ساولی سے کلدیپ سنگھ، گودھرا سے رشمیتا پٹیل، لوناواڑا سے گلاب سنگھ کو ٹکٹ دیا گیا ہے۔Congress Releases Final List of Candidates
بی جے پی کی بات کریں تو اس کی جانب سے 179 سیٹوں کے لیے امیدواروں کا اعلان کیا گیا ہے۔ ریاست میں ابھی بھی تین سیٹیں ہیں جن پر امیدواروں کے ناموں کا اعلان ہونا باقی ہے۔ گاندھی نگر ضلع کے مانسا، مہسانہ کے کھیرالو اور وڈودرا کے منجل پور کے لیے ابھی امیدواروں کا اعلان ہونا باقی ہے۔ گاندھی نگر ساؤتھ سے الپیش ٹھاکر کے علاوہ بی جے پی نے رادھن پور سے لونگ جی ٹھاکر، پٹن سے ڈاکٹر راجول بین دیسائی، ہمت نگر سے وی ڈی زالا، گاندھی نگر نارتھ سے ریتا بین پٹیل، کلول سے بکاجی ٹھاکر، وٹو سے بابو سنگھ جادھو، پیٹلاد سے کملیش پٹیل کو شامل کیا ہے۔ محمد آباد سے ارجن سنگھ چوہان، جھالود سے مہیش بھوریا کو جیٹ پور سے جینتی بھائی راٹھوا، سیا جی گنج سے کیور روکاڈیا کو ٹکٹ دیا۔
یہ بھی پڑھیں: سورت سے عام آدمی پارٹی کے تمام امیدوار نامعلوم مقام پر منتقل
جانکاری کے لیے بتاتے چلیں کہ گجرات میں 182 اسمبلی سیٹوں پر انتخابات ہونے ہیں۔ اس بار اسمبلی انتخابات دو مرحلوں میں ہوں گے۔ پہلے مرحلے میں 89 سیٹوں پر یکم دسمبر کو ووٹنگ ہوگی، پھر دوسرے مرحلے میں 93 سیٹوں پر 5 دسمبر کو ووٹنگ ہوگی، جب کہ ہماچل پردیش کے ساتھ گجرات انتخابات کے نتائج 8 دسمبر کو آئیں گے۔
