انسانی جسم میں خون کا ہونا بہت ضروری ہے اور خون کی کمی کے باعث لوگ مختلف بیماریوں کا شکار ہوجاتے ہیں، خون کی سب سے زیادہ ضروت تھیلیسیمیا اور کینسر کے مریضوں کو ہوتی ہے، اس سلسلے میں احمدآباد کے باپونگر اردو اسکول میں مختلف تنظیموں نے مشترکہ طور پر بلڈ ڈونیشن کیمپ کا اہتمام کر کے 251 یونٹ خون کی بوٹل مستحق مریضوں تک پہنچانے کا کام کیا۔
اس سلسلے میں شاہین ہیلتھ اینڈ ہائجین سوسائٹی کے چیئرمین شکیل احمد راجپوت نے کہا کہ خون کی اشد ضرورت کو محسوس کرتے ہوئے سوسائٹی فار برائڈ فیوچر، شاہین ہیلتھ اینڈ ہائجین سوسائٹی، راہ فاونڈیشن اور لبیک فاونڈیشن نے مشرکہ طور پر ایک بلڈ ڈونیشن کیمپ منعقد کیا۔
اس موقع پر لوگوں نے بڑھ چڑھ کر خون کا عطیہ کیا اور ان کی حوصلہ افزائی کے لیے احمدآباد کے مئیر کریٹ پرمار اور دیگر کانگریس کے کاونسلرز نے خوشی کا اظہار کیا۔
اس موقع پر احمدآباد کے مئیر کریٹ پرمار نے کہا کہ تھیلیسیمیا سے متاثر بچوں کے لیے باپو نگر میں بلڈ ڈونیشن کیمپ کا انعقاد کرکے کافی نیک کام کیا ہے، یہاں لوگ بڑے جوش و خروش سے جمع ہو کر خون کا عطیہ کر رہے جو کافی خوشی کی بات ہے۔
وہیں گومتی پور کے کاونسلر اقبال شیخ نے اس موقع پر بلڈ ڈونیشن کیمپ کا اہتمام کرنے والی تمام تنظیموں کے اراکین اور خون عطیہ کرنے والوں کو مبارکباد پیش کی اور کہا کہ جو تھیلیسیمیا سے متاثر بچوں کو خون نہیں ملتا ان کے لیے یہاں خون کا عطیہ کیا جا رہا ہے، یہ بہت خوشی کی بات ہے۔ ہم چاہتے ہیں کہ اسی طرح سے بلڈ ڈونیشن کیمپ کا اہتمام ہوتا رہے اور ضرورت مندوں تک خون پہنچتا رہے۔
