گاندھی نگر: وزیر داخلہ امت شاہ نے ہفتہ کو گجرات کے کلول میں ناردی پور تالاب کا افتتاح کیا اور وسن تالاب اور کلول کے مختلف ترقیاتی کاموں کا سنگ بنیاد رکھا اور ای لانچ کیا۔ امت شاہ نے ڈسٹرکٹ ڈیولپمنٹ کوآرڈینیشن اینڈ مانیٹرنگ کمیٹی (دشا) کی میٹنگ کی صدارت کی اور گاندھی نگر کے سول اسپتال میں مفت خوراک کی مہم کا افتتاح کیا۔ ناردی پور گاؤں میں تقریباً 4.5 کروڑ روپے کی لاگت سے اور وسن گاؤں میں تقریباً 2 کروڑ روپے کی لاگت سے ایک تالاب بنایا گیا ہے۔ ہمارے آباؤ اجداد کے بنائے ہوئے دونوں تالاب دیکھ بھال نہ ہونے کی وجہ سے خراب حالت میں تھے جنہیں بہتر کیا گیا۔ اب یہاں کے نوجوانوں کو ان تالابوں کی دیکھ بھال اس طرح کرنی ہے کہ آئندہ 20-30 سال تک کوئی نیا تالاب بنانے کی ضرورت ہی نہ پڑے۔
اس موقع پر امور داخلہ کے مرکز وزیر نے کہا کہ کسی بھی علاقے کی ترقی کے لیے مقامی لوگوں کا تعاون بہت ضروری ہے۔ ناردی پور کے عوام کی ذمہ داری ہے کہ وہ منتخب نمائندوں کے تعاون سے ضروری سہولیات فراہم کریں۔ گاؤں کی لائبریری میں مقامی لوگوں کے لیے نئی کتابوں اور کمپیوٹروں کا انتظام، غریب بچوں کے لیے پڑھنے کا انتظام، بارش کے دوران درخت لگانا، خالی جگہ کو کبڈی گراؤنڈ میں تبدیل کرنے جیسے بہت سے ترقیاتی کاموں کو ذمہ داری کے ساتھ انجام دینے کی ضرورت ہے۔ مرکزی وزیر داخلہ امت شاہ کے دورہ گجرات کا آج دوسرا دن ہے۔ جانکاری کے مطابق آج وہ جوناگڑھ اے پی ایم سی کسان بھون کا افتتاح کریں گے اور ڈسٹرکٹ بینک ہیڈ کوارٹر کا سنگ بنیاد رکھیں گے۔
یہ بھی پڑھیں: Amit Shah امت شاہ نے 154 کروڑ روپے کے ترقیاتی کاموں کا افتتاح کیا
یو این آئی
