احمدآباد:ملک کی دوسری ریاستوں کی گجرات کے احمدآباد سمیت تمام اضلاع میں عید میلاد النبی کی تیاریاں زور شور سے جاری ہے۔عید میلاد النبی اور گینش وسرجن ایک دن ہونے کی وجہ سے پولیس انتظامیہ کی جانب سے سیکیورٹی کے پختہ انتظامات کئے جا رہے ہیں۔
ذرائع کے مطابق احمد اباد پولیس کمشنر نے اعلان کیا کہ گنیش وسرجن کی وجہ سے شہر میں عید میلاد النبی کا تہوار بروز جمعرات کو منایا جا ئے گا۔اس کے دوسرے دن احمدآباد میں عید میلادالنبی کا جلوس نکالا جاے گا ۔
اس سلسلے میں اتفاق کرتے ہوئے کمشنر آف پولیس نے ایک اہم میٹنگ بلائی جس میں کمیٹی کے چیئرمین تسنیم عالم،باوا ترمذی ایم ایل اے عمران کھیڑا والا سابق ایم ایل اے غیاث الدین شیخ اور ممبران نے شرکت کی۔ میٹنگ میں جلوس محمدی کو لے کر تفصیلی بات چیت کی گئی۔
انہوں نے کہا کہ حیدرآباد، مہاراشٹر، گجرات کے سورت۔ وڈودرا، آنند وغیرہ شہروں نے 29/9/2023 بروز جمعہ جلوس نکالنے کا اعلان کیا ہے، لہذا اگر آپ بھی 29/9/2023 بروز جمعہ جلوس نکالیں گے تو امن و امان برقرار رہے گا۔
یہ بھی پڑھیں:Hajj Policies 2023 حج سے متعلق نوٹیفکیشن جاری نہیں کیے جانے پر گجرات کے عازمین حج مایوس
کمیٹی کے اعلان کے مطابق، عید میلاد النبی کا تہوار 28/9/2023 بروز جمعرات مذہبی رسومات کے مطابق منایا جائے گا۔ اعلان کیا جاتا ہے کہ 29/9/2023 بروز جمعہ نماز جمعہ کے بعد احمدآباد میں عید میلادالنبی کا جلوس نکالا جاے گا ۔
