گجرات کے شہر احمدآباد کے سردار باغ کے باہر الپ سنکھیک ادھیکار منچ کی جانب سے9 دسمبر کو جم کر اس بل کے خلاف احتجاج کیا جائے گاجس میں مسلم وکلا بھی شامل رہیں گے۔
اس تعلق سے گجرات ہائی کورٹ کے وکیل امتیاز خان پٹھان نے کہا جس طرح شہریت ترمیم بل کو پاس کرنے کی راجیہ سبھا اور لوک سبھامیں کوشش کی جارہی ہے اور کابینہ میں اسے منظور بھی کر لیا گیا،یہ بل غیر آئینی ہے۔
کیونکہ اس میں بدھ جین اور دیگر مذاہب کا ذکر کیا گیا ہے لیکن مسلمانوں کی کو اس بل کے تحت شہریت دینے کی بات کہیں نہیں کی گئی ہے۔اور اب شہریت ترمیم بل کو پاس کرنے کی راجیہ سبھا اور لوک سبھامیں کوشش کی جارہی ہےاس کے خلاف احمدآباد میں جم کر احتجاج کرنے کیا جائے گا۔
الپ سنکھیک ادھیکار کے رکن اور پیشے سے وکیل وسیم عباسی کا کہنا ہے کہ شہریت ترمیم بل سے مسلمانوں کو محروم رکھنا بے حد افسوس کی بات ہے یہاں سبھی مذاہب کو اس میں جگہ دی جارہی ہے لیکن مسلمانوں کا ہی اس بل سے بائیکاٹ کیا گیا ہے اس لیے یہ بل بھارت کے آئین کے خلاف ہے۔
انہوں نے مزید کہا کہ اگر راجیہ سبھا میں، کانگریس، این سی پی اور شیو سینا اس بل کی حمایت کرے گی تو احمدآباد میں ان تمام کے دفتروں کے باہرکالے جھنڈے دکھا کر احتجاجی مظاہرہ کیا جائے گا۔
