ربیع الاول کی 12 تاریخ کے تعلق سے آل انڈیا مجلس اتحاد المسلمین احمدآباد کے صدر شمشاد خان پٹھان نے کہا کہ کووڈ 19 کی گائیڈ لائن کے مطابق نوراتری، بی جے پی کی آشیرواد ریلی، ضمنی انتخابات کے وقت ریلی کا اہتمام کیا گیا ساتھ ہی 16 اکتوبر 2021 کے روز دسہرہ کے دن راجیہ سبھا رکن جگل کشور نے بھی احمدآباد میں مختلف مقامات پر ریلی نکالی تھی.
انہوں نے کہا کہ پیغمبر اسلام حضرت محمد صل اللہ علیہ وسلم کی یوم ولادت 19 اکتوبر کو ہے اور ہر سال عید میلاد النبی کے موقع پر بڑی ہی شان و شوکت سے جلوس نکالا جاتا ہے لیکن رواں برس اب تک عید میلاد النبی کے جلوس کی پرمیشن نہیں دی گئی ہے اس لیے ہم کمشنر آفس آئے تھے.
- یہ بھی پڑھیں:مشہور نعت خواں دانش دار اور داور دار سے خصوصی گفتگو
- ماب لنچنگ معاملے پر حکومت سخت اقدام اٹھائے: جمعیت علمائے ہند گجرات
انہوں نے کہا کہ کمشنر آفس میں ڈی سی پی دیسائی نے ہمیں مثبت جواب دیا اور یقین دہانی کرائی کہ آج رات تک جلوس کے لیے ایس او پی کیا جا سکتا ہے اور ہمیں امید ہے کہ گجرات کے لوگ عید میلاد النبی کا جلوس پرامن طریقے سے نکالیں گے.
