ریاست گجرات کے گاندھی نگر میں ساہتیہ اکادمی کے تعاون سے منعقدہ یک روزہ قومی سیمنار میں پروفیسرز اور مقالہ نگاروں نے شرکت کر اردو زبان میں افسانوی صورتحال پر روشنی ڈالی۔
اردو ادب میں جدید افسانوی صورتحال اور جدید افسانہ نگاروں سے واقفیت کے لیے سیمینار میں تحقیقی اور معلوماتی مقالات پڑھے گئے، اور ان مقالات کو سامعین نے خوب سراہا۔
اس موقع پر نوری فاؤنڈیشن کے رکن مولانا مظفر حسین شمشی نے کہا کہ 'اردو افسانے پر رکھے گئے اس سیمینار کا مقصد یہ ہے کہ اردو زبان و ادب کو مزید فروغ حاصل ہو'۔
انھوں نے کہا کہ 'اردو زبان کو زیادہ سے زیادہ لوگ سمجھے تاکہ ہر گھر تک اردو زبان کی تعلیم عام ہو'۔
پروفیسر انور ظہیر نے کہا کہ 'آج کے افسانے اور افسانہ نگار علامتوں میں گھومتے نظر آرہے ہیں ایسے میں آج کے دور میں افسانوں میں ایسی علامتوں کا استعمال کرنے کی ضرورت ہے جسے لوگ آسانی سے سمجھ سکیں'۔
