گجرات: واپی میں پیپر مل میں خوفناک آتشزدگی

ضلع ولساڑ کے واپی میں ایک پیپر مل میں آگ لگ گئی۔ تاحال خبر لکھے جانے تک کسی جانی نقصان کی کوئی اطلاع نہیں ہے۔

ریاست گجرات کے ضلع ولساڑ کے واپی میں ایک پیپر مل میں آگ لگ گئی۔ خبر ملنے تک آگ پر قابو نہیں پایا جاسکا ہے۔ فائر بریگیڈ حکام نے بتایا کہ اس وقت تقریباً 20 فائر ٹینڈر موقع پر موجود ہیں اور آگ پر قابو پانے کی کوشش کررہے ہیں۔ اس واقعے میں ابھی تک کسی جانی نقصان کی کوئی اطلاع نہیں ہے۔

واقعے کے حوالے سے فائر بریگیڈ افسر انکت لوٹھے نے بتایا کہ 'آگ پر ابھی تک قابو نہیں پایا جاسکا ہے۔ یہ نہیں کہا جاسکتا کہ اسے بجھانے میں کتنا وقت لگے گا۔'

انہوں نے کہا کہ 'شاہ پیپر مل تقریباً 4.5 گھنٹے سے جل رہی ہے اور تقریباً 20 فائر بریگیڈ کی گاڑیاں آگ پر قابو پانے کی کوشش کررہی ہیں۔ ابھی تک یہ معلوم نہیں ہوسکا کہ آگ کس وجہ سے لگی ہے۔