ریاست گجرات میں کورونا کا قہر مسلسل جاری ہے، اس دوران گزشتہ 24 گھنٹوں میں کورونا وائرس کے 1120 نئے معاملے سامنے آئے ہیں جبکہ 6 افراد ہلاک بھی ہوئے ہیں اس کے ساتھ ہی ریاست میں کورونا سے ہلاک ہونے والوں کل تعداد 3700 سے تجاوز کر گئی ہے ۔
گجرات میں اب تک کل 184964 پازیٹو معاملے سامنے آئے ہیں جبکہ گجرات میں کورونا کو شکست دے کر اپنے گھر جانے والوں کی کل تعداد 168858 پر پہنچ گئی ہے.
واضح رہے کہ موجودہ وقت میں گجرات میں 12321 معاملے ایکٹیو ہے ان میں سے 69 مریض وینٹی لیٹر پر ہیں جبکہ 12252 افراد کی حالت مستحکم ہے۔
محکمہ صحت کے مطابق گزشتہ 24گھنٹوں میں گجرات میں کورونا کے سب سے زیادہ معاملے سور ت میں 141 احمدآباد میں 181 وڈودرا میں 88 گاندھی نگر میں 38 بھاونگر میں 8 بناس کانٹھا میں 43 راجکوٹ میں 77 سریندر نگر میں 21 پاٹن میں 38 امریلی میں 21 جام نگر میں 18 مہسانہ میں 72 کچھ میں 18 معاملے درج ہوئے ہیں۔
