گاندربل: ہائیڈروپونکس پر ورک شاپ کا انعقاد

محکمۂ زراعت اور فوج کی آسام رائفلز کے اشتراک سے وسطی کشمیر کے ضلع گاندربل میں ہائیڈروپونکس کے موضوع پر ورک شاپ کا انعقاد کیا گیا۔

وسطی کشمیر کے ضلع گاندربل میں محکمۂ زراعت نے فوج کی 34 آسام رائفلز کے اشتراک سے ضلع کے گنڈ علاقے میں ’’ہائیڈروپونکس‘‘ کے عنوان سے ایک ورک شاپ منعقد کیا جس میں درجنوں مقامی کسانوں نے شرکت کی۔

ورک شاپ میں فوج اور محکمۂ زراعت کے ماہرین نے کسانوں کو جدید تکنیک سے آگاہ کرنے کے علاوہ سبزیاں اگانے کے نئے طریقے سکھائے۔

موضوع ’’ہائیڈرو پونکس‘‘ کی نسبت سے ماہرین نے کسانوں کو مٹی کا استعمال کیے بغیر ریت، گملوں اور پلاسٹک کے تھیلوں میں سبزیاں اگانے کے جدید طریقے سکھائے۔

دریں اثناء، ورک شاپ میں مقامی کسانوں نے محکمۂ زراعت کے افسران سے کسانوں کو درپیش مسائل سے آگاہ کیا جس پر افسران نے یقین دہانی کی کہ کسانوں کو درپیش مشکلات کو ترجیحی بنیادوں پر حل کیا جائے گا۔