تفصیلات کے مطابق 23 اور 24 اپریل کی درمیانی شب نقاب پوش چوروں نے تحصیل دفتر گاندربل سے متصل دو دکانوں کو لوٹ لیا۔
دکانداروں کے مطابق تقریباً آٹھ لاکھ کی چوری ہو چکی ہے۔ چوری اس سے زیادہ بھی ہو سکتی ہے۔ یہ دونوں دکاندار جدید ترین قسم کے برتنوں کا کاروبار کرتے ہیں جس کی وجہ سے ان دو دکانوں میں لاکھوں روپے مالیت کا سامان بھرا ہوا تھا لیکن چوروں نے دکانوں کے اندر گھس کر کافی تعداد میں سامان کو چرانے کے علاوہ کچھ سامان کو تہس نہس کر دیا ہے۔
گاندربل میں دورانِ شب ڈکیتی
سی سی ٹی وی فوٹیج کے مطابق انہوں نے دکانوں میں آگ لگانے کی بھی کوشش کی تھی۔
پولیس نے موقع پر آ کر جائزہ لے لیا اور کیس درج کر کے فوٹیج کی بھی جانچ شروع کی ہے تاکہ چوروں کو گرفت میں لا کر ان سے چوری شدہ مال بر آمد کیا جائے۔
