گاندربل: عسکریت پسندوں کا معاون گرفتار

جموں و کشمیر کے ضلع گاندربل میں عسکریت پسندوں کے ایک معاون کو گرفتار کیا گیا ہے۔

خبر رساں ایجنسی کے مطابق جموں و کشمیر پولیس نے ضلع میں رئیس احمد لون نامی ایک نواجوان کو گرفتار کیا ہے ۔
پولیس کے مطابق رئیس احمد عسکریت پسند تنظیم لشکر طیبہ سے جُڑا ہوا ہے۔
پولیس نے بتایا کہ تحقیقات سے انکشاف ہوا ہے کہ وہ علاقے میں سرگرم عسکریت پسندوں کی مدد کر رہے ہیں۔
پولیس نے رئیس احمد کے خلاف مقدمہ درج کیا ہے۔
واضح رہے کہ گزشتہ روز جموں و کشمیر پولیس کے ڈائریکٹر جنرل دلباغ سنگھ نے کہا سنہ 2019 میں 160 عسکریت پسندوں کو ہلاک کیا گیا جبکہ 102 کو گرفتار کیا گیا ہے۔
دلباغ سنگھ نے کہا کہ عسکریت پسندوں میں شامل مقامی نوجوانوں کی تعداد میں کمی واقع ہوئی ہے۔

دلباغ سنگھ نے کہاکہ سنہ 2018 میں 218 نوجوان عسکریت پسندوں کی مختلف تنظیموں میں شامل ہوئے تھے لیکن 2019 میں صرف 139 نوجوانوں نے عسکریت پسندی کا راستہ اپنایا ہے۔