گاندربل میں کورونا مثبت کیسز میں تیزی سے کمی

ڈی سی گاندربل نے پریس کانفرنس میں کہا کہ ضلع میں مثبت کیسز تیزی سے کم ہورہے ہیں لیکن انہوں نے یوم عاشورہ پر ایس او پیز پر سختی سے عمل کرنے پر زور دیا۔

ڈپٹی کمشنر گاندربل کرتیکا جیوتسنا نے آج کہا کہ ضلع میں کورونا مثبت کیسز میں نمایاں کمی آئی ہے۔ ڈی سی نے کہا کہ اس بار یوم آزادی تمام ایس او پیز اور کووڈ سے متعلق ہدایات کے تحت منایا گیا اور قومی تقریب کے دوران ایس او پیز پر عمل کرنے پر انہوں نے عام لوگوں کا شکریہ ادا کیا۔

تفصیلات دیتے ہوئے ڈی سی نے کہا کہ پچھلے ہفتے میں 11000 کووڈ ٹیسٹ کیے گئے تھے اور ضلع میں کووڈ مثبت کیسز میں بہت کمی آئی ہے اور ضلع میں صرف 61 کیسز اس وقت موجود ہیں۔ ویکسینیشن مہم کے حوالے سے ڈی سی نے کہا کہ ایک نئی مائیکرو پلاننگ گزشتہ ہفتے کی گئی ہے جس میں منتخب دیہاتوں کی آبادی جو کہ میڈیکل بلاکس کے آس پاس ہیں ان کو ترجیحی بنیادوں پر ویکسین دی جاتی ہے۔ تاکہ ہدف کو جلد سے جلد حاصل کیا جاسکے۔

انہوں نے کہا کہ ان دیہات میں ویکسینیشن آسانی سے جاری ہے اور زیادہ تر نوجوان نسل کو ویکسین دی جارہی ہے۔ انہوں نے بی ایم اوز پر زور دیا کہ وہ اپنی کوششوں کو دوگنا کریں تاکہ اگلے 15 دنوں میں ہدف حاصل ہوجائے۔


اس نے ایک بار پھر لوگوں سے درخواست کی کہ وہ سی اے بی پر عمل کرتے رہیں اور عاشورہ یعنی 10 محرم کو خاص طور پر ڈب اور کلن علاقوں میں جو شیعہ اکثریتی علاقے ہیں۔ بڑے اجتماع سے گریز کریں۔