کورونا وائرس کے قہر کے دوران شیر کشمیر انسٹی ٹیوٹ آف میڈیکل سائنسز صورہ نے نوٹیفکیشن جاری کی ہے۔ ہسپتال نے نیشنل ہیلتھ مشن پروگرام کے تحت یہ نوٹیفکیشن جاری کی ہے۔ اسپتال نے نوٹیفکیشن میں صاف ظاہر کیا ہے کہ انہیں مین پاور کی ضرورت ہے۔
نوٹیفکیشن کے تحت بیس لیب اسسٹنٹ، پانچ فارماسسٹ، پانچ لیب ٹیکنیشنز کی ضرورت ہے۔
نوٹیفکیشن میں یہ بھی واضح کیا ہے کہ انہیں تین ماہ کے لئے ہی مین پاور کی ضرورت ہے اور اسکے بعد کوئی بھی مستقلی کے مطالبے کو قبول نہیں کیا جائے گا۔ نوٹیفکیشن میں یہ بھی ذکر کیا گیا ہے کہ اس مدت کے دوران ہسپتال انتظامیہ کسی کو بھی کنٹریکٹ سے بر خواست کرسکتا ہے۔
ہسپتال کی جانب سے نوٹیفکیشن جب جاری ہوئی تو کئی ایسی خبریں بھی لوگوں کے ذہنوں میں گردش کر رہی ہیں کہ شاید ہسپتال میں کورونا وائرس کی وجہ سے اسٹاف کی کمی ہے۔ لیکن ہسپتال ذرائع سے یہ معلوم ہوا کہ ہسپتال میں ایسی کوئی پریشانی نہیں ہے البتہ ہسپتال کو صرف مین پاور کی ضرورت ہے۔
