جموں کشمیر میں کورونا وائرس کے معاملوں میں لگاتار اضافے کے بعد انتظامیہ مسلسل اقدامات کر رہی ہے۔ انتظامیہ نے کورونا وائرس کو مزید پھیلنے سے روکنے کے لیے کشمیر کی واحد ٹرین سروس کو کل سے بند کرنے کا فیصلہ کیا ہے۔
نارتھرن ریلوے کےچیف ایئریا منیجرنے ای ٹی وی بھارت کو فون پر جانکاری دیتے ہوئے کہا کہ کل سے ریل خدمات بند رہیں گی۔
انہوں نے کہا کہ کورونا وائرس کے معاملوں میں مسلسل اضافہ ہو رہا ہے۔ اس کے مد نظر یہ فیصلہ لیا گیا ہے۔ واضح رہے گذشتہ سال جب کورونا لاک ڈاؤن نافذ کیا گیا تھا۔ یہاں کی ریل خدمات کو بھی بند کیا گیا تھا۔ اس کے بعد پھر انتظامیہ نے گیارہ ماہ بعد ٹرین خدمات کو بحال کیا تھا۔
تقریباً صرف دو ماہ ریل خدمات جاری تھیں لیکن ایک بار پھر اسکو بند کر دیا گیا ہے۔ ہم آپ کو یہ بھی بتا دیں کہ ٹرین سے سفر کرنے میں لوگوں کا ایک تو وقت بھی بچ جاتا تھا اور کم خرچہ بھی آتا تھا لیکن کورونا وائرس کی وجہ سے اس سہولت کو بند کر دیا گیا ہے۔
انتظامیہ لگاتار لوگوں سے اپیل کر رہی ہے کہ کورونا وائرس کو مزید پھیلنے سے روکنے کے لیے احتیاطی تدابیر پرعمل کریں۔
