گاندربل کو منشیات سے پاک بنانے کے لیے پولیس افسران کی ریلی

گاندربل کو منشیات سے پاک بنانے کے لیے 'این جی او وائٹ گلوبل' کے اشتراک سے جموں کشمیر پولیس نے ایک ریلی نکالی۔ ریلی سے خطاب کرتے ہوئے خلیل احمد پسوال نے کہا کہ' پولیس کے ساتھ ساتھ والدین کو بھی چاہئے کہ وہ اپنے بچے بچیوں پر خاص نظر رکھیں، تاکہ اُن کا مستقبل سنورسکے اور وہ کارآمد بنیں'۔

وادی کشمیر کے وسطی ضلع گاندربل کو منشیات سے پاک بنانے کے لیے جموں کشمیر پولیس نے 'این جی او وائٹ گلوبل' کے اشتراک سے ایس ایس پی آفس گاندربل سے ڈی پی ایل تک ایک ریلی کا اہتمام کیا جس میں درجنوں طلباء و طالبات نے حصہ لیا۔

ریلی کے اختتام پر ڈسٹرکٹ پولیس لائنز گاندربل میں ایک پروگرام کا بھی انعقاد کیا گیا، جس میں کئی فنکار، طلباء و طالبات سمیت کئی پولیس افسران و دیگر شخصیات نے منشیات اور اس کے برے اثرات پر روشنی ڈالی۔

پروگرام سے خطاب کرتے ہوئے خلیل احمد پسوال نے کہا کہ' پولیس کے ساتھ ساتھ والدین کو بھی چاہئے کہ وہ اپنے بچے بچیوں پر خاص نظر رکھیں، تاکہ اُن کا مستقبل سنور سکے اور وہ کارآمد بنیں۔ انہوں نے کہا مزید کہا کہ' پولیس افسران ہر وقت ان لوگوں کے ساتھ کھڑے ہیں جو منشیات کے خلاف آواز بلند کرتے ہیں اور اس کو دور کرنے کے لیے ہمیشہ کوشاں ہیں۔