J&K Bank branch and ATM closed in Sonamarg: سونہ مرگ میں جے اینڈ کے بینک برانچ اور اے ٹی ایم بند

جموں و کشمیر بینک نے سونہ مرگ برانچ اور اے ٹی ایم بند کر دیا ہے جس سے دکاندار، عام لوگوں اور سیاحوں کو مشکلات کا سامنا کرنا پڑ رہا ہے۔ J&K Bank closed branch and ATM in Sonamarg

موسم سرما میں ضلع گاندربل کے سونہ مرگ کو سیاحوں کے لیے کھلا رکھنے کے حکومت کے فیصلے کے باوجود جموں وکشمیر بینک نے نہ صرف برانچ بلکہ اے ٹی ایم کو بھی بندکر دیا ہے۔ ہوٹل مالکان اور سیاحت کے شعبے سے جڑے متعلقین کا کہنا ہے کہ 'جموں و کشمیر بینک کے ایک ماہ قبل ہی سونہ مرگ میں برانچ اور اے ٹی ایم بند کرنے سے دکانداروں، عام لوگوں اور سیاحوں کو مشکلات کا سامنا کرنا پڑ رہا ہے۔ Demand for opening of JK Bank branch and ATM in Sonmarg

ہوٹل مالکان، دکانداروں اور سیاحوں نے بتایا کہ 'سونہ مرگ میں قائم جموں وکشمیر بینک کے ساتھ ساتھ اے ٹی ایم کو بھی بند کردیا گیا جس کی وجہ سے سیاحوں، ہوٹل مالکان اور عام لوگوں کو 22 کلو میٹر دور گنڈ جانا پڑتا ہے۔ انہوں نے بتایا کہ 'حالانکہ انتظامیہ نے اس تعلق سے ہدایت بھی جاری کی تھی کہ لیکن جموں وکشمیر بینک نے ایک ماہ قبل ہی بینک بند کر دیا۔ انہوں نے صوبائی کمشنر کشمیر سے اس سلسلے میں مداخلت کی اپیل کی ہے۔