جموں و کشمیر کے ضلع گاندربل میں نالہ سندھ کے کنارے پر واقع فاروق عبداللہ ماحولیاتی پارک منیگام میں جموں کشمیر بینک کے درجنوں سیکورٹی گارڈز نے پرامن احتجاجی مظاہرہ کیا۔
سکیوریٹی گارڈز نے تنخواہ میں تخفیف کے خلاف احتجاج کیا
مظاہرے میں شامل حفاظتی گارڈز نے کہا کہ ان کی ماہانہ اجرتوں میں کمی کی جارہی ہے جس کے خلاف وہ احتجاج کرنے پر مجبور ہیں۔
یہ بھی پڑھیں:جموں وکشمیر: این آئی اے نے مزید دو افراد کو گرفتار کیا
فاروق احمد نام کے ایک سکورٹی گارڈ نے بتایا کہ بیرون ریاست کی کسی نجی کمپنی نے سازش کے طور پر ان کی ماہانہ اجرت میں 2 ہزار روپے کی کمی کی ہے جو کہ اس مہنگائی کے دور میں سراسر زیادتی ہے۔
جبکہ ایسی بھی افواہ گشت کررہی ہے کہ کچھ سکیورٹی گارڈز کو نکال باہر کیا جارہا ہے، جسے ہم قطعی برداشت نہیں کریں گے۔ اگر کسی بھی سکیورٹی گارڈ کو نکالا گیا تو ہم سڑکوں پر نکل کر احتجاج کریں گے۔
