ای ٹی وی بھارت کی خبر کا اثر: ہیلتھ سنٹر 24گھنٹے کھلا رکھنے کے احکامات جاری

پرائمری ہیلتھ سنٹر کو 24گھنٹے کھلا رکھنے کے انتظامیہ کے فیصلے سے مقامی لوگوں میں خوشی کی لہر دوڑ گئی ہے تاہم انہوں نے طبی سنٹر کا بنیادی ڈھانچہ مضبوط کیے جائے کا بھی مطالبہ کیا۔

ضلع گاندربل کے تولہ مولہ علاقے میں قائم پرائمری ہیلتھ سینٹر کو 24گھنٹے کھلا رکھنے کے احکامات جاری کئے جانے پر مقامی باشندوں نے ضلع انتظامیہ، محکمہ صحت سمیت ای ٹی وی بھارت کی ستائش کی۔

قابل ذکر ہے کہ چند روز قبل ای ٹی وی بھارت نے تولہ مولہ گاندربل علاقے میں قائم ہیلتھ سینٹر میں بنیادی ضروریات کے فقدان سمیت طبی مرکز کو 24گھنٹوں کھلا رکھنے کی مقامی لوگوں کی اپیل سے متعلق ایک خبر نشر کی تھی۔

انتظامیہ نے لوگوں کو درپیش مسائل کا نوٹس لیتے ہوئے ہیلتھ سنٹر کو 24گھنٹے کھلا رکھنے کے احکامات جاری کیے۔

انتظامیہ کے اس فیصلے سے مقامی لوگوں میں خوشی کی لہر دوڑ گئی ہے تاہم انہوں نے طبی سنٹر کا بنیادی ڈھانچہ مضبوط کیے جائے کا بھی مطالبہ کیا۔