جموں کشمیر کے وسطی ضلع گاندربل میں سرینگر لیہہ شاہراہ پر اس وقت ایک حادثہ پیش آیا جب ایک ٹرک سرینگر کی طرف رواں دواں تھی اور حاین کنگن کے مقام پر ٹرک حادثے کا شکار ہوگئی اور نالہ سندھ میں جاگری۔
ٹرک نالہ سندھ میں جا گری، ڈرئیور زخمی
عینی شاہدین کے مطابق ایک ٹرک لیہہ سے سری نگر کی طرف جا رہی تھی اور حاین پال پورہ کنگن کے مقام پر ڈرائیور کے قابو سے باہر ہو کر نالہ سندھ میں جاگری۔
مقامی لوگوں نے فوراً زخمی ڈرائیور کو نزدیکی ہسپتال منتقل کیا جہاں اس کا علاج معالجہ کیا جارہا ہے۔
ادھر مقامی پولیس نے بھی جائے واردات پر پہنچ کر ریسکیو آپریشن شروع کیا ہے۔
پولیس کے مطابق ٹرک ڈرئیور کا معاون (کنڈیکٹر) چلا رہا تھا جنہیں زخمی حالت میں ہسپتال منتقل کیا گیا ہے۔
اُنہوں نے کہا کہ اس ٹرک میں کسی بھی طرح کا مال نہیں تھا۔
