سرینگر-لیہہ قومی شاہراہ Srinagar-Leh National Highway پر برف صاف کرنے کی کارروائی کا جائزہ لینے کے لیے ڈپٹی کمشنر گاندربل کریتکا جیوتسنا نے آج علی الصبح سونمرگ زوجیلا روڈ کا دورہ کیا اور زوجیلا پاس پر سڑک کی صفائی کے آپریشن کا جائزہ لیا۔
دورے کے دوران بی آر او یعنی بارڈر روڈس آرگنائزیشن حکام نے ڈی سی کو سڑک کی موجودہ حالت اور سونمرگ کی طرف زیرو پوائنٹ تک زوجیلا پاس پر برف صاف کرنے کے آپریشن کے بارے میں آگاہ کیا۔
زوجیلا درہ کھولنے کے حوالے سے بیکن حکام کا کہنا تھا کہ زیرو پوائنٹ تک برف کی صفائی تقریباً ہو چکی ہے لیکن حالیہ برفانی تودے کے باعث سڑک کو کھولنا ممکن نہیں ہے اور زوجیلا پاس کو کھولنے کے حوالے سے فیصلہ رواں ماہ کے آخری ہفتے میں کیا جائے گا، لیکن پہلے سڑک کی حالت کا جائزہ لیا جائے گا۔
یہ بھی پڑھیں: Snow Cleared on Sonamarg Road: سونمرگ شاہراہ سے برف ہٹانے کا کام مکمل
برف صاف کرنے کے آپریشن کا معائنہ کرتے ہوئے، ڈی سی نے حالیہ شدید برف باری اور مخالف موسمی حالات کے باوجود زیرو پوائنٹ تک برف صاف کرنے کے لیے روڈ کلیئرنس آپریشنز میں شامل بیکن حکام کی اتھک کوششوں کی تعریف کی۔
ڈی سی نے بیکن حکام سے کہا کہ وہ زوجیلا اسٹریچ پر برفانی تودہ گرنے کے عمل کو تیز کریں تاکہ سڑک کو جلد از جلد قابل آمدورفت بنایا جائے۔
