گاندربل میں کورونا ٹیکہ کاری مہم کا آغاز

ضلع گاندربل میں آج محکمہ سماجی بہبود کے آئی سی ڈی ایس کی جانب سے کورونا وائرس وبائی امراض سے بچنے کے لئے ٹیکہ کاری مہم کا آغاز کیا گیا۔

جموں و کشمیر کے ضلع گاندربل کے ڈسٹرکٹ ہسپتال میں محکمہ سماجی بہبود سے وابستہ آنگن واڑی ورکروں کو کروناوائرس وبا سے بچانے کے کورونا کے ٹیکہ لگائے گئے۔ اس مہم میں ڈسٹرکٹ پروگرام آفیسر محترمہ بلقیس نے پہلے ٹیکہ لگواکر مہم کی شروعات کی۔ ڈسٹرکٹ ہسپتال گاندربل کے ملازموں کی طرف سے ہر ایک آنگن واڑی ورکرز کی کونسلنگ کی گئی پھر انہیں ٹیکہ لگایا گیا۔

پروگرام آفیسر محترمہ بلقیس نے اس پروگرام کے حوالے سے بتایا کہ' جب سے یہ کووڈ ہمارے ملک میں آیا جس کے بعد اس نے کشمیر کے لوگوں کو متاثر کرنا شروع کیا جس کی وجہ سے آج تک ہمارے سبھی آنگن واڑی مراکز بند پڑے ہیں۔ اب جبکہ ویکسین آگیا ہے ہم نے تو اپنے عملہ کو ٹیکہ لگانے کا عمل شروع کیا ہے جس کے بعد ہمارے آنگن واڑی مراکز کھول دیئے جائیں گے۔