مرکز کے زیر انتظام خظہ جمو ں و کشمیر کے ضلع گاندربل کے بی ہامہ نامی علاقہ میں آج 115 بٹالین سی آر پی ایف کی جانب سے ایک نجی اسکول میں جشن چلہ کلان منایا گیا،اس خصوصی تقریب میں مقامی لوگوں کے علاوہ طلبا و طالبات نے کثیر تعداد میں شرکت کی۔ 115 battalion of CRPF holds‘Jashn-e-chili kalan’ in Ganderbal
اس موقع پر سی آر پی ایف 115 بٹالین کے کمانڈنٹ ایس کے پردھان مہمان خصوصی کے طور پر شامل ہوئے، جبکہ اسکول کے چیئرمین اور پرنسپل کے علاوہ دیگر ملازمین نے اس میگا ایونٹ میں شرکت کی۔اس موقع پر سی آر پی ایف کی جانب سے پروگرام میں آئے طلبا و طالبات کیلئے رنگا رنگ پروگرامز کا اہتمام بھی کیا گیا تھا ،اس رنگا رنگ تقریب میں شاندار اور بہترین کار کردگی کرنے والے طلبا و طالبات اور دیگر افراد کو اعزازات سے نوازا گیا۔ اس موقع پر سی آر پی ایف کے اعلی آفیسر نے کہا کہ ایسے پروگرامز منعقد کرنے کا مقصد یہی ہے کہ سیکورٹی فورسز اور نوجوانوں کے درمیان باہمی اعتماد اور دوستانہ تعلقات کی بحالی ہو۔ انہوں نے مزید کہا کہ آگے بھی ایسے پروگرامز منعقد کئے جایئنگے تاکہ یہاں کے نوجوانوں کو اپنا ہنر دیکھانے کا موقع فراہم ہو۔
انہوں نے کہا کہ یہاں کے نوجوانوں میں ہنر کی کوئی کمی نہیں ہے، لیکن ان کو ایک بہتر پلیٹ فارم کی اشد ضرورت ہے، اور ہماری یہی کوشش ہے کہ ایسے نوجوانوں کی ہم مدد کرسکیں۔ پروگرام کے آخر میں سینئر آفیسر نے پروگرام میں آئے تمام شرکا کا شکریہ ادا کیا۔ انہوں نے مزید کہا کہ آگے بھی ایسے پروگرامز منعقد کئے جائینگے،تقریب کا اختتام انعام اور سرٹیفکیٹ کی تقسیم کے ساتھ ہوا۔ جس کے بعد انتہائی خوشگوار ماحول میں ظہرانہ دیا گیا۔
مزید پڑھیں:Ganderbal Jashn e Chillai Kalan گاندربل میں ’جشن چلہ کلاں‘ کا انعقاد
