ڈسٹرکٹ لیگل سروس اتھارٹی گاندربل نے آج آر پی پی اسکول ناگبل میں وائٹ اینڈ ہوپ ڈس ایبلٹی سنٹر این جی اوز کے اشتراک سے منشیات سے پاک کشمیر کے تعلق سے اک روزہ بیداری پروگرام کا انعقاد کیا گیا۔
پروگرام کا بنیادی مقصد طلباء اور لوگوں میں منشیات کے مضر اثرات کے تعلق سے بیداری پیدا کرنے کے ساتھ ساتھ کشمیر سے منشیات کا خاتمہ کرنا ہے۔
پروگرام میں ضلع ترقیاتی کمشنر شفقت اقبال نے خطاب کرتے ہوئے کہا کہ منشیات اور اس سے متعلقہ سرگرمیاں پورے معاشرے خصوصا نوجوان نسل کے لیے خطرناک ثابت ہوری ہیں، اس وجہ سے انہوں نے زیادہ سے زیادہ آگاہی پیدا کرنے پر زور دیا، تاکہ معاشرے سے منشیات کے لعنت کا مکمل خاتمہ ہو سکے اور لوگوں کو یہ پیغام پہنچایا جائے کہ منشیات کے استعمال پر نہ صرف قانونی پابندی ہے، بلکہ سماجی بھی پابندی ہونی چاہیے۔
اس موقع پر پروگرام کی تھیم پر مبنی تمثیلی ڈرامے بھی پیش کیے گئے اور آر پی اسکول کے طلباء نے اسکیٹ بھی پیش کیا، جنہوں نے اپنی اداکاری کے ذریعے نشہ کے اسباب و اثرات پر مختصر روشنی ڈالی۔
پروگرام میں ضلعی ترقیاتی کمشنر گاندربل شفقت اقبال نے بطور مہمان خصوصی کے شرکت کی، اسکے علاوہ پروگرام میں سیکریٹری ڈی ایل ایس اے گاندربل تبسم وانی، ایس ایس پی گاندربل خلیل پوسوال، ایس ایس پی سیکیورٹی نکہت امان، ڈی آئی او گاندربل، اسکولوں کے چیئرمین آر پی گراونڈ شبیر حسین، این جی اوز کے نمائندوں کے علاوہ اسکولوں کے طلباء نے بھی شرکت کی۔
