وسطی کشمیر کے ضلع گاندربل میں نوجوانوں کو کورونا مخالف ٹیکہ لگانے کے لیے از خود سامنے آنے کی تلقین کرتے ہوئے محکمہ صحت اور مقامی سپورٹس تنظیم کی جانب سے ایک آگہی کیمپ کا انعقاد کیا گیا۔
چیف میڈیکل افسر سمیت محکمہ صحت کے دیگر افسران نے آگہی کیمپ میں نوجوانوں کو افواہوں پر کان نہ دھرنے اور از خود سامنے آکر کورونا مخالف ٹیکہ لگانے کی اپیل کی۔
طبی عملہ نے معلومات فراہم کرتے ہوئے کہا کہ ضلع میں کل 94مقامات پر کورونا مخالف ٹیکہ لگانے کی سہولیات میسر رکھی گئی ہیں، انہوں نے کہا کہ اب تک ضلع میں ایک لاکھ 17ہزار افراد کو کورونا ویکسین کی خوراک دی جا چکی ہیں جو سبھی صحت مند اور تندرست ہیں۔
مزید پڑھیں: گاندربل: حرکت قلب بند ہونے یا ایمبولنس نہ ہونے سے سیاح کی موت ہوئی؟
کورونا ویکسین سے متعلق پھیلائی جا رہی افواہوں کو بے بنیاد اور غلط قرار دیتے ہوئے محکمہ صحت کے عملہ نے کہا کہ ضلع میں کورونا ٹیکہ لگانے والے سبھی افراد صحت مند ہیں اور کسی نے بھی کوئی شکایت نہیں کی۔
