گاندربل: آشا ورکروں کی اجرتوں میں اضافے کا مطالبہ

وسطی کشمیر کے ضلع گاندربل میں آشا ورکروں نے ماہانہ اجرتوں میں اضافہ کیے جانے کی مانگ کرتے ہوئے احتجاج کیا۔

ضلع گاندربل میں آشا ورکروں نے ڈی سی آفس کے باہر احتجاجی مظاہرہ کیا۔

احتجاج کر رہی آشا ورکروں کا کہنا تھا کہ ’’محض 2000 روپے ماہانہ اجرت بالکل ناکافی ہے۔‘‘

انہوں نے کہا کہ قلیل تنخواہ کی وجہ سے وہ کسمپرسی کی زندگی گزار رہی ہیں۔

احتجاجی خواتین نے رکی پڑی تنخواہوں کو واگزار اور ’’منیمم ویجز ایکٹ‘‘ کے تحت انہیں اجرت فراہم کیے جانے کا مطالبہ کیا۔