ضلع گاندربل کے نونر علاقے میں 30 جولائی کی شام اچانک کنال کے باندھ ٹوٹ جانے سے تیز بہاؤ والا پانی گھروں میں گھس جانے سے لوگوں کو کافی دقتوں کا سامنا ہے۔
اس علاقے میں موجود سیکنڑوں کنال اراضی جس پر دھان کی پنیری لگی ہے یا سیب کے پیڑ لگے ہیں، اس قدر نقصان پہنچا ہے کہ ضلع انتطامیہ گاندربل نے حرکت میں آکر تمام محکمہ جات کے ساتھ ساتھ محکمہ زراعت کو الرٹ کر دیا ہے۔
محکمہ کے افسران اور عملے کو علاقے میں روانہ کرکے نقصان کی سروے کے لیے کہا گیا ہے، تاکہ نقصان کا اندازہ لگانے کے بعد ان تک معاوضہ پہنچایا جا سکے۔
یہ بھی پڑھیں: گاندربل: ٹیپر اور آلٹو کار کے درمیان تصادم، 3 افراد زخمی
اس سلسلے میں سب ڈویژنل ایگریکلچرل آفیسر گاندربل نے کہا ہے کہ میں اس علاقے میں ٹیم کے ہمراہ خود کسانوں کو ہوئے نقصان کا لسٹ تیار کر رہا ہوں اور فائنل لسٹ تیار کرکے ہم انہیں اپنے اعلیٰ افسران کو روانہ کریں گے۔
انہوں نے کہا ہے کہ محکمہ ہارٹیکلچر اور محکمہ فشریز بھی ہمارے ساتھ شانہ بشانہ سروے کر رہے ہیں۔ وہ کسانوں کا لسٹ تیار کر رہے ہیں۔
انہوں نے کسانوں سے اپیل کی ہے کہ وہ مطمئن رہے اور سرکار سے جو بھی معاوضہ آئے گا اسے بخوبی کسانوں تک پہنچایا جائے گا۔
