خطہ چناب کے ضلع ڈوڈہ میں اسپورٹس اسٹیڈیم میں چناب کلچرل اینڈ اسپورٹس کلب کی جانب سے منعقدہ تیسرا نائٹ کاسکو ٹی10 ٹورنمنٹ اختتام پذیز ہوا۔ دس دنوں تک جاری رہنے والے اس ٹورنمنٹ میں ضلع ڈوڈہ کے شہر و گام سے تقریباً پچاس سے زائد ٹیموں نے شرکت کی۔
ٹورنمنٹ کا فائنل میچ رحمت کرکٹ کلب ڈوڈہ اور گرین شاہین کے مابین کھیلا گیا۔
ٹاس جیت کر پہلے بلے بازی کرتے ہوئے رحمت کرکٹ کلب کی پوری ٹیم نو اوروں میں 52 رن بنا کر آل آؤٹ ہو گئی ۔53 رن کا تعاقب کرنے اُتری گرین شاہین کی ٹیم ابتدائی اورز میں شدید دباؤ کا شکار ہوئی اور تین اورز میں محض نو رن پر اُس کے پانچ کھلاڑی پویلین لوٹ چُکے تھے۔
تاہم مڈل آرڈر نے اننگز کو سہارا دیا اور ساتویں اوور میں چھ کھلاڑیوں کے نقصان پر جیت درج کر لی، اس طرح گرین شاہین فتحیاب ہوئی۔
مزید پڑھیں:ڈوڈہ: وائلڈ لائف ٹیم نے تیندوے کو پکڑا
قابل ذکر ہے کہ ٹورنمنٹ کے تمام میچز کا اسکور آن لائن ایپ پر اپڈیٹ کیا گیا، جس وجہ سے کھلاڑیوں سمیت شائقین میں بھی مزید دلچسپی دیکھنے کو ملی۔
فائنل مقابلے میں پولیس افسران کے علاوہ میونسپل کاؤنسل ڈوڈہ کے عہدیدران کے علاوہ کثیر تعداد میں مقامی باشندوں نے شرکت کی۔
