سڑک کا معاوضہ مانگنے پر گرفتار افراد کی رہائی کا مطالبہ

دراصل جمعہ کے روز لیفٹینینٹ گورنر منوج سنہا کے مشیر فاروق خان نے علاقے کا دورہ کیا تھا، اس دوران بھدرواہ میں کچھ سرپنچوں اور عام لوگوں نے سڑک کا معاوضہ نہ ملنے پر احتجاج کیا۔

صوبہ جموں کے ضلع ڈوڈہ میں مقامی سرپنچوں نے چار سرپنچ سمیت آٹھ افراد کی رہائی کا مطالبہ کیا ہے۔ جنہیں پولیس نے جمعہ کے روز گرفتار کیا تھا۔

دراصل جمعہ کے روز لیفٹینینٹ گورنر منوج سنہا کے مشیر فاروق خان نے علاقے کا دورہ کیا تھا، اس دوران بھدرواہ میں کچھ سرپنچوں اور عام لوگوں نے سڑک کا معاوضہ نہ ملنے پر احتجاج کیا۔ جس کے بعد پولیس نے انہیں کووڈ-19 کے پیش نظر احتیاطی تدابیر پر عمل نہ کرنے کی پاداش میں گرفتار کر لیا تھا۔

وہیں ضلع ڈوڈہ کے سرپنچز کا کہنا ہے 'کلشری کے مقام پر مقامی سرپنچز اور لوگوں نے سڑک کے معاوضے کے سلسلے میں مشیر فاروق خان کے آنے سے پہلے روڈ بلاک کی تھی۔ جس کے بعد 4 سرپنچ سمیت آٹھ لوگوں کو پولیس نے گرفتار کیا ہے'۔

انتظامیہ کی اس کارروائی کو مختلف سماجی و سیاسی تنظیموں غیر جمہوری اقدام قرار دیا ہے اور زور دیا ہے کہ حراست میں لیے گئے سبھی افراد کو جلد از جلد رہا کیا جائے۔