پہاڑی ضلع ڈوڈہ میں متعدد سماجی کارکنان نے پریس کانفرنس کے دوران ضلع میں جاری مویشیوں کی سمگلنگ پر افسوس اور تشویش کا اظہار کیا۔
ایک مقامی کارکن نے کہا کہ ضلع ڈوڈہ کے دور دراز گاؤں دیسہ کی پہاڑیوں سے مویشیوں کو وادی کشمیر لے جانے کے تعلق سے انہیں خبر ملی، جس کے بعد انہوں نے دیگر سماجی و مذہبی تنظیموں سمیت پولیس کے ساتھ رابطہ قائم کیا اور سمگلنگ کی اس کوشش کو ناکام بنایا۔
انہوں نے کہا کہ اس عمل میں نہ صرف ہندو دھرم بلکہ مسلم طبقے سے وابستہ افراد نے بھی مویشیوں کی سمگلنگ کو ناکام بنانے میں کلیدی کردار ادا کیا۔ انہوں نے دعویٰ کیا کہ اگرچہ اسمگلرز فرار ہونے میں کامیاب ہو گئے تاہم اس مہم میں 49 مویشی بازیاب کیے گئے۔
پریس کانفرنس کے دوران انہوں نے ضلع انتظامیہ کے تئیں ناراضگی کا اظہار کرتے ہوئے پولیس افسران کو بھی شدید تنقید کا نشانہ بنایا۔
انہوں نے کہا کہ ’’پولیس اور انتظامیہ کی ساز باز کے بغیر اتنے بڑے پیمانے پر مویشیوں کی اسمگلنگ ممکن نہیں ہے۔‘‘
مزید پڑھیں: ڈوڈہ: ’قوم کی تعمیر میں پولیس کا کردار‘ کے موضوع پر مباحثہ کا انعقاد
انہوں نے ضلع انتظامیہ سے مویشیوں کی اسمگلنگ کے خلاف سخت اقدامات کرنے کا مطالبہ کیا۔
