جموں و کشمیر کے ضلع ڈوڈہ میں آر ڈی ڈی بلاک بنجواہ کی جانب سے مختلف معاملات کی ادائیگی میں بے ضابطگی اور بدعنوانی کے خلاف عوام نے احتجاجی مظاہرہ کیا۔
مظاہرین کا کہنا تھا کہ ورک ڈاون پیمینٹ فارم 2019-20 کے اجراء کے متعلق بی ڈی او بنجواہ کو متعدد دفعہ درخواست دینے کے باوجود آج تک کچھ بھی ادا نہیں کیا گیا، جس کی وجہ سے انہیں احتجاج کرنا پڑرہا ہے۔
مظاہرین نے مزید کہا کہ ہم اچھی طرح جانتے ہیں کہ متعلقہ محکمہ کی جانب سے دوران سماعت تمام تر مواد اور ادائیگی میں مبینہ طور پر بد دیانتی کی گئی ہے۔ لوگوں نے الزام عائد کیا کہ ایم جی منریگا کے تحت کچھ منتخب افراد کو ہی فنڈز جاری کیے گئے ہیں۔
مظاہرین نے کہا کہ اگر ان کے مطالبات کو جلد از جلد نہیں تسلیم کی گیا تو وہ لوگ پرتشدد انداز میں احتجاج کرنے پر مجبور ہوں گے اور کسی بھی ناخوشگوار واقعہ کے لیے متعلقہ حکام ذمہ دار ہوں گے۔
