ضلع ڈوڈہ کے گھٹ روڈ میں اُس وقت خوف و ہراس پھیل گیا جب لوگوں نے روڑ پر ایک مشکوک بیگ دیکھا۔ بیگ کی اطلاع فوری طور حفاظتی اہلکاروں کو دی گئی۔ حفاظتی اہلکاروں نے علاقے کو محاصرے میں لیکر بم ڈسپوزل اسکوڈ کو طلب کیا، جنہوں نے فوری طور بیگ کا معائنہ کرکے اس میں موجود لینڈ مائن کو ناکارہ بنانے کی کارروائی شروع کر دی۔ Landmine Diffused in Doda
ڈوڈہ میں لینڈ مائن برآمد، فورسز نے ناکارہ بنا دیا
لینڈ مائن کو ناکارہ بنانے کی کارروائی دیر رات تک جاری رہی اور اس دوران گھٹ روڈ پر راہگیروں، ٹرانسپورٹ کی نقل و حمل کو احتیاطاً معطل کر دیا گیا۔ بم ڈسپوزل اسکواڈ نے دیر رات گئے لینڈ مائن کو ناکارہ بنا دیا۔ واضح رہے کہ ضلع ڈوڈہ کو سنہ 2011 میں عسکریت پسندی سے پاک علاقہ قرار دیا گیا تھا۔ لینڈ مائن کی موجودگی سے ضلع میں عسکریت پسندی کے مکمل خاتمے پر سوالیہ نشان عائد ہوتے ہیں۔
