سشسترا سیما بل (ایس ایس بی) 7 بٹالین کی جانب سے جموں و کشمیر کے پہاڑی ضلع ڈوڈہ میں کھلینی ہائر سکینڈری اسکول میں ایک مفت طبی کیمپ کا انعقاد کیا گیا۔
طبی کیمپ میں کھلینی کے گرد و نواح کے علاقوں سے سینکڑوں کی تعداد میں بزرگوں، بچّوں اور نوجوانوں نے شرکت کی۔ کیمپ میں موجود ڈاکٹروں نے سبھی کا طبی معائینہ کیا۔ وہیں، ایس ایس بی کی جانب سے مریضوں میں مفت ادویات بھی تقسیم کی گئی۔
مقامی لوگوں نے فوج کے اس اقدام کی سراہنا کرتے ہوئے مستقبل میں بھی اس طرح کے پروگرواموں کے انعقاد کی امید ظاہر کی۔
لوگوں نے بتایا کہ دور افتادہ علاقوں میں اس طرح کے پروگرامز سے غریب عوام کو بہت فائدے ہوتے ہیں۔
ایس ایس بی کے ایک افسر نے بتایا کہ ایس ایس بی 7 بٹالین نے ’’سول ایکشن پروگرام‘‘ کے تحت اس مفت طبی کیمپ کا انعقاد کیا تھا جو مقامی لوگوں کی فلاح و بہبود کے لئے وقتًا فوقتًا منظم کیے جا رہے ہیں۔
کیمپ کے دوران گورنمنٹ ٹراما سنٹر میں تعینات ڈاکٹر فہیم وانی نے بھی اس کیمپ میں مختلف بیماریوں میں مبتلا مریضوں کا معائنہ کیا۔
