عالمی وبا کورونا وائرس کی روک تھام کے لیے جو لوگ دِن رات سپاسہالار بن کر کام کر ہے ہیں اُن میں سرفہرست طبی عملہ ہے جو گزشتہ تین ماہ سے اس مہلک وائرس کا ڈَٹ کا مقابلہ کر رہے ہیں۔
اگر چہ سرکاری سطح پر پی پی کٹز و دیگر ضروری سامان طبی عملہ کو دیا جا رہا ہے لیکن ان کی محنت کے پیش نظر سٹیٹ بنک آف انڈیا نے طبی عملہ کی خدمت کو خراج تحسین پیش کرتے ہوئے اس مہلک وائرس سے اُن کو بچانے والے ڈاکٹروں نیم طبی عملے کی صحت کو یقینی بنانے کے لیے ایک لاکھ دس ہزار کی مالیت سے خریدے گئے کورونا وائرس کٹس ضلع ترقیاتی کمشنر ڈوڈہ کے حوالے کئے ہیں۔
سٹیٹ بنک آف انڈیا ڈوڈہ کے چیف منیجر اِنل رینانے بتایا کہ اُن کی طرف سے طبی عملہ کے لیے پی پی کٹز، سنیٹائزر، ماسک اور ہاتھوں میں پہننے والے دستانے خرید کر ضلع انتظامیہ کو سونپے ہیں۔ مزید بتایا کہ طبی عملہ خاص کر جو مسلسل دِن رات کورونا وائرس کو ضلع میں روکنے کے لیے کام کر رہے ہیں انہی خدمات کو نظر میں رکھتے ہوئے بنک کی جانب سے اس عمل میں استعمال ہونے والے ضروری کٹز کو اُن کے لئے وقف کیا گیاہے جس کو پہن کر وہ کورونا مثبت مریضوں کا علاج کرتے ہیں۔
