جموں و کشمیر کے پہاڑی ضلع ڈوڈہ کے سب ڈویژن ٹھاٹھری کے ایس ڈی ایم اطہر امین زرگر نے انتظامیہ کے عہدیداروں کے ساتھ مل کر باغ گاؤں (ٹھاٹھھری) میں ٹی آر سی بلڈنگ کی تعمیر کیلئے زمین بھدرواہ ڈویلپمنٹ اتھارٹی (محکمہ سیاحت) کو سونپ دی ہے۔
انتظامیہ نے قصّبہ ٹھاٹھری میں گاڑیوں کی پارکینگ کی جگہ کی قلّت اور عوامی مانگ کو مد نظر رکھتے ہوئے ٹھاٹھری میں ٹی.آر.سی کی بلڈنگ تعمیر کرنے کے لیے زمین تعمیراتی ایجنسی کے حوالے کر دی ہے۔
یہ بھی پڑھیے
'آئیے زمین پر کشمیر کو ’فردوس‘ بنائیں'
اس موقع پر ایگزیکیٹیو انجنئیر بھدرواہ ڈیویلپمنٹ اتھارٹی کے ہمراہ AEE، متعلقہ محکمہ کے JE اور تحصیلدار ٹھاٹھری کے علاوہ محکمہ مال کے عہدیدار بھی موجود تھے۔
ٹھاٹھری میں گاڑیوں کی پارکنگ نہ ہونے کی وجہ سے عوام کو بہت مشکلات کا سامنا تھا، وہیں انتظامیہ کی طرف سے پارکنگ اسٹینڈ بنائے جانے پر لوگوں نے شکریہ ادا کیا۔
