کورونا وائرس کے خوف کے دوران ڈوڈہ میں ایک اہم پیش رفت میں حکام نے 19 کورونا مریضوں کو مکمل صحتیاب ہونے کے بعد واپس گھر بھیج دیا جو رواں ماہ کورونا وائرس میں مثبت پائے گئے تھے۔ مریضوں کو گورنمنٹ میڈیکل کالج ڈوڈہ کے آئیسولیشن وارڈ میں رکھا گیا تھا۔
جی ایم سی ڈوڈہ میں داخل 43 کورونا مثبت مریضوں میں سے اب تک 21 مریض صحتیاب ہو کر اپنے گھروں کو روانہ کیے گیے ہیں۔ڈوڈہ میں کورونا وائرس کے مثبت مریضوں کو میڈیکل کالج میں الگ قائم کئے گئے خصوصی وارڈ میں طبی مشاہدے کے لئے رکھا گیا ہے اور انہیں کووڈ-19 پروٹوکول کے مطابق دو بار منفی ٹیسٹ آنے کے بعد رخصت کیا جاتا ہے۔
ضلع ترقیاتی کمشنر ڈوڈہ ڈاکٹر ساگر ڈی ڈائفوڈ نے صحتیاب مریضوں کو مبارکباد پیش کی اور احتیاطی تدابیر کے طور پر کچھ عرصہ تک انہیں گھروں میں قرنطینہ میں رہنے کی تاکید کی۔
اس اثناء میں اُن میں منہ پر پہننے کے لئے ماسک، دستانے اور تحفہ کے طور دیگر اشیاء بھی تقسیم کی گئی۔
ڈی سی نے مزید کہا اگر ضروری اقدامات اور احتیاطی تدابیر اختیار کی جائیں تو اس بیماری کو شکست دی جا سکتی ہے۔
