دو اکتوبر یعنی مہاتما گاندھی کے یوم پیدائش کے موقع پر شروع ہونے والے بیک ٹو ولیج کے تیسرے مرحلے کا بی ڈی سی چئیرمین چنگا نے بائیکائٹ کا اعلان کیا اور وہ پروگرام میں شامل نہیں ہوئے۔ بلاک ڈیویلپمنٹ کونسلر چنگا محمد عباس راتھر کا کہنا ہے کہ تیسرے مرحلے کا آغاز ہونے تک زمینی سطح پر پہلے اور دوسرے مرحلے کے تحت عوام کے ساتھ کیےگئے ترقی کے نام پر وعدے جھوٹے ثابت ہو رہے ہیں اور پنچایتی اِدارے، حکومت انتظامیہ کی طرف سے اِن پروگرام کے دوران عوام کے ساتھ جھوٹے دلاسے اور یقین دہانی کرانے کی وجہ سے کمزور ہو رہے ہیں۔
انہوں نے کہا کہ ہر انسان کا اِن اِداروں پر سے بھروسہ ختم ہوتا جا رہا ہے۔ اس لئے اُنہوں نے بیک ٹو ولیج پروگرام کا بائیکاٹ کیا ہے۔ کیونکہ پہلے اور دوسرے مرحلے کی کارکردگی صفر رہی ہے۔
دریں اثناء، گندو میں پنچایتی نمائندگان کے علاوہ عام لوگوں نے اس پروگرام کے خلاف احتجاج کیا اور کہا کہ یہ حکومت کی طرف سے گاؤں میں پروگرام منعقد کرنے کی ایک فضول مشق ہے جس کو بار بار دہرایا جا رہا ہے اس لئے حکومت اِن گمراہ کُن تقریبات کا کھیل بند کرے۔
