ضلع ترقیاتی کمشنر ڈوڈہ ڈاکٹر ساگر ڈی ڈائفوڈ کی نگرانی میں ضلع انتظامیہ نے کووڈ-19 مثبت مریضوں کو میڈیکل کٹس گھر کی دہلیزپر فراہم کرنے کے لئے اپنی نوعیت کا پہلا پروگرام شروع کیا ہے۔
اس سلسلے میں بھدرواہ کی میڈیکل ٹیم پہلے ہی مریضوں میں 200 سے زائد کٹس تقسیم کر چکی ہے اور تقسیم کا عمل تیزی سے جاری ہے۔ ادویات کی تقسیم کاری میں ٹیم کی حفاظت کو مدنظر رکھتے ہوئے یہ ہدایت کی گئی ہے کہ وہ میڈیسن کٹ مریض کے تیماردار کے حوالے کر دیں۔ اس کے علاوہ کووڈ-19 مریض کو سختی سے ہدایت کی گئی ہے کہ وہ گھر کی تنہائی کے دوران اپنے کمرے میں ہی رہیں۔
یہ بھی پڑھیں: زرعی بل راجیہ سبھا میں پاس
قابل ذکر ہے کہ کووڈ-19 مریض کی سہولت کے لئے جموں و کشمیر بھر میں ضلع انتظامیہ کی جانب اٹھایا گیا یہ پہلا قدم ہے۔ میڈیسن کٹ میں وٹامن سی گولی، زنک گولی، کھانسی کی شربت، پیراسیٹامال گولیاں اور اینٹی بائیوٹک گولی شامل ہیں۔ اسی طرح ڈی ڈی سی نے ایم ایس ایسوسی ایٹ ہسپتال جی ایم سی ڈوڈہ کو ہدایت کی ہے کہ وہ ڈوڈہ میں گھریلو آئسولیشن میں رکھے گئے کووڈ-19 مریضوں میں دوائی کٹ کی تقسیم کا عمل فوری طور پر شروع کریں۔
