ڈوڈہ: جموں وکشمیر کے ضلع ڈوڈہ میں دیہی ایڈونچر ٹورزم کو فروغ دینے کے لیے ڈپٹی کمشنر ڈوڈہ ویش پال مہاجن نے جے کے ایڈونچر گروپ اور ایکسٹریم ایڈونچر گروپ کے ساتھ مل کر وائٹ رافٹنگ میلے کا انعقاد کیا گیا۔ یہ میلا پریم نگر کے شبنوٹ علاقے میں دریائے چناب میں منعقد کیا گیا۔میلے کے پہلے دن ڈوڈہ کے لوگوں کا جوش و خروش اور زبردست ردعمل دیکھنے میں ملا۔
اس میلے کے پہلے دن تقربیاً ایک ہزار سے زائد لوگوں خصوصاً نوجوان نے شرکت کی اور پہلے دن 200 افراد نے پریم نگر شبنوٹ سے کرارا تک رافٹنگ کے سفر میں حصہ لیا۔
ڈی سی ڈوڈہ کے ساتھ ایس ایس پی ڈوڈہ عبدالقیوم، دیگر افسران اور میڈیا کے کئی افراد نے رافٹنگ کا لطف اٹھایا۔ پورے میلے کی نگرانی ایس ڈی ایم ٹھٹھری اطہر امین زرگر کررہے ہیں۔ شرکاء نے پنڈال میں اے ٹی بی کی سواری کا بھی لطف اٹھایا۔
مزید پڑھیں: Tourists Enjoying in Pahalgam: پہلگام میں سیاحوں کی آمد میں اضافہ
بتادیں کہ رافٹنگ کو پورے حفاظتی اقدامات اور سخت معیارات کے تحت منعقد کیا جارہا ہے، تاکہ کوئی ناخوشگوار واقعہ پیچ نہ آئے۔ مقامی لوگوں نے ضلع انتظامیہ ڈوڈہ کی اس کوشش کو کافی سراہا اور انتطامیہ سے اس طرح کے میلے آئندہ منعقد کرنے کی اپیل کی۔
