دوارکا پولیس ہیڈکوارٹر میں یوگا کا اہتمام

انٹرنیشنل یوگا ڈے کے موقع پر دہلی کے دوارکا ڈسٹرکٹ پولیس ہیڈ کوارٹر میں ایڈیشنل ڈی سی پی اور اہلکاروں نے ضلعی دفتر میں یوگا کا عالمی دن منایا۔

اس موقع پر ضلع کے تمام اعلیٰ افسران اور دیگر اہلکاروں نے بھی اپنے آپ کو صحت مند اور تندرست بنانے کے لیے یوگا کیا۔

ضلع دوارکا کے پولیس اہلکاروں کو صبح کے وقت محکمہ کے یوگا انسٹرکٹر کانسٹیبل یشپال سنگھ نے یوگا کرایا۔

اس موقع پر ایڈیشنل ڈی سی پی ستیش کمار نے اپنے ساتھی پولیس اہلکاروں کے ساتھ یوگا کرکے ان کی حوصلہ افزائی کی۔

ڈی سی پی ستیش کمار نے یوگا سیشن میں موجود اپنے تمام ساتھیوں سے اپیل کی کہ وہ یوگا کو روزمرہ کا معمول بنائیں اور ذہنی تناؤ سے نجات حاصل کریں۔