قومی دارالحکومت دہلی سے متصل صنعتی شہر نوئیڈا میں بڑھتی آلودگی کے سبب ضلع انتظامیہ کی جانب سے کی جانے والی احتیاطی تدابیر جاری ہے۔
اس تناظر میں ضلعی انتظامیہ کے افسران اپنے اپنے علاقوں میں کارروائی کررہے ہیں۔
ڈپٹی ڈسٹرکٹ مجسٹریٹ صدر پرسون دویدی نے بلاک دنکور میں کسانوں کے ساتھ ایک اہم اجلاس طلب کیا۔
ایس ڈی ایم نے اجلاس میں موجود تمام کاشتکاروں کو ہدایات دی ہے کہ پرالی کو جلانے سے آلودگی میں کافی اضافہ ہوتا ہے لہٰذا کسانوں کو چاہیے کہ وہ اپنے کھیتوں میں دھان کے بھوسے یعنی پرالی کو نہ جلائیں۔
انہوں نے یہ بھی واضح کیا ہے کہ حکومت کو پرالی جلانے پر کارروائی کرنے کی واضح ہدایات ہیں۔
لہٰذا انہوں نے انتباہ کیا کہ کسی بھی کارروائی سے بچنے کے لیے کسان اپنے کھیتوں میں پرالی جلانے سے گریز کریں۔
انہوں نے کہا کہ اگر کاشتکار ایسا نہیں کرتے ہیں تو ان کے خلاف سخت کاروائی کی جائے گی۔
واضح رہے کہ اس اجلاس میں دیگر متعلقہ افسران بھی موجود تھے۔
