ٹیچرز ڈے کے موقع پر صدر جمہوریہ نے اساتذہ کو مبارکباد دی۔ انہوں نے اپنے مبارکبادی کے پیغام میں کہا کہ ماہر تعلیم اور بھارت کے سابق صدر جمہوریہ ڈاکٹر سروپلی رادھا کرشنن کی سالگرہ کی یاد میں ٹیچرز ڈے منایا جاتا ہے، اس موقع پر میں تمام اساتذہ کو مبارکباد دیتا ہوں اور نیک خواہشات کا اظہار کرتا ہوں۔
رام ناتھ کووند نے کہا کہ 'ٹیچرز ڈے ایک ایسا موقع ہے جب ہم اپنی قوم کے اساتذہ کی خدمات کا اعتراف کرتے ہیں جو ہمارے بچوں کی فکری اور اخلاقی ترقی میں اہم کردار ادا کرتے ہیں۔ اپنی روایات میں ہم اساتذہ کو دیوتا کے برابرسمجھتے ہیں۔
صدر جمہوریہ نے کہا کہ کووڈ 19 عالمی وبا کے دوران اساتذہ کے کام کرنے کے انداز میں بھی بڑی تبدیلی آئی ہے۔ لاک ڈاؤن کے دوران ہمارے اساتذہ نے تعلیم کے آن لائن طریقوں کے ہر چیلنج کو قبول کیا اور طلباء کی ہموار تعلیم کے لیے مضبوط اقدامات کیے۔
رام ناتھ کووند نے کہا کہ 'اس موقع پر ہم سب ایک مضبوط اور خوشحال ملک کی تعمیر میں بیش قیمت تعاون کے لیے پوری ٹیچنگ برادری کا شکریہ ادا کرتے ہیں۔
