اس کی تیاریوں کے سلسلے میں میرٹھ زون کی کمشنر انیتا سی مشرا کی قیادت میں ایکسپو مارٹ گریٹر نوئیڈا میں میٹنگ کے دوران افسران کو احکامات دیے گئے ۔
انہوں نے کہا کہ ہندوستان یونائیٹڈ نیشن کے گلوبل کنونشن کی میزبانی کر رہا ہے اور اس میں اقوام متحدہ سے وابستہ مختلف ممالک کے 3000 مندوبین حصہ لیں گے اور گریٹر نوئیڈا گوتم بدھ نگر میں اب تک کی سب سے بڑی گلوبل کانفرنس ہوگی۔
انہوں نے کہا کہ 'یہ حکومت کا انتہائی اہم پروگرام ہے۔ اس لیے اس سے متعلقہ سکیورٹی اور حفاظتی انتظامات کی تمام تیاریاں بروقت کرلی جائیں گی۔'
انہوں نے کہا مختلف ممالک کے مندوبین کے قیام و طعام اور صحت سے متعلق انتظامات میں کسی بھی طرح کی کوتاہی نہیں ہونی چاہیے۔
بروقت ہوٹلوں کی فہرست تیار کر کے ان کی آڈٹ کراتے ہوئے ملازمین کی بھی ایل آئی او جانچ کر لی جائے۔جبکہ میرٹھ رینج کے ڈی آئی جی نے ہدایت دی کہ اس دوران ٹریفک نظام متاثر نہ ہو اس کا انتظام کر لیا جائے۔
ڈی ایم گوتم بدھ نگر نے کہا کہ جو بھی احکامات دیے گئے ہیں ان پر عمل اوری افسران کے ذریعے یقینی بنائی جائے گی۔
اس میٹنگ میں میرٹھ رینج کے سینئر افسران کے علاوہ نوئیڈا کے سینئر افسران بھی موجود تھے۔
