ریاست اترپردیش کے ضلع نوئیڈا کے تپ دق افسر ڈاکٹر شریش جین نے کووڈ کے بڑھتے معاملات اور سردی کے اس موسم میں صحت کی دیکھ بھال کرنے کے حوالے سے ضروری بات چیت کی۔ انہوں نے کہا کہ سردیوں کا سخت موسم، دھند اور اس پر کووڈ انفیکشن یہ ماحول صحت کے نقطۂٔ نظر سے اچھا نہیں ہے۔ ایسے موسم میں صحت مند انسان کے بھی بیمار ہونے کا اندیشہ رہتا ہے۔ اس کے لیے سب کو محتاط رہنے کی ضرورت ہے، خاص طور پر ذیابیطس، تپ دق اور ہائی بلڈ پریشر (کوموبرڈ)(comorbid)جیسی بیماریوں میں مبتلا افراد کو زیادہ متحاط رہنے کی ضرورت ہے۔ Noida District TB Officer Advised TB Patients to Careful
ڈاکٹر جین نے کہا کہ ضلع میں کورونا انفیکشن بڑھتا جا رہا ہے۔ ایسی صورت حال میں ٹی بی، ذیابیطس اور ہائی بلڈ پریشر کے مریضوں کو خصوصی احتیاط کرنے کی ضرورت ہے۔ انہوں نے کہا کہ ذیابیطس اور ٹی بی جیسی بیماریاں ہونے سے قوت مدافعت کمزور ہو جاتی ہے اور کوئی بھی انفیکشن ایسے لوگوں کو آسانی سے اپنی گرفت میں لے لیتا ہے۔ بہتر قوت مدافعت کے لیے خوراک پر خصوصی توجہ دیں۔ صرف گھر کا پکا ہوا کھانا کھائیں۔ اپنی خوراک میں ہری سبزیاں، سلاد اور دالیں باقاعدگی سے شامل کریں اور باہر جانے سے گریز کریں۔ مناسب طریقے سے ماسک پہنیں اور بھیڑ والی جگہوں پر نہ جائیں۔ اپنے ساتھ سینیٹائزر رکھیں اور گھر میں صابن اور پانی سے 40 سیکنڈ تک اپنے ہاتھ اچھی طرح دھوئیں۔
ٹی بی کے مریض علاج ادھورا نہیں چھوڑیں
ڈاکٹر جین نے کہا اس وقت ٹی بی کے مریضوں کو خاص خیال رکھنے کی ضرورت ہے۔ خیال رہے کہ لاپرواہی کی وجہ سے علاج درمیان میں نہ چھوٹ جائے۔ انہوں نے ضلع کے تمام ٹی بی کے مریضوں سے اپیل کی ہے کہ وہ کسی بھی حالت میں علاج کو ادھورا نہ چھوڑیں۔ ٹی بی کا نامکمل علاج سنگین ہوسکتا ہے۔ اسے علاج کے آغاز کے وسط میں نہیں چھوڑنا چاہئے۔ مکمل علاج اور مناسب غذائیت سے ٹی بی کا مریض مکمل طور پر ٹھیک ہو جاتا ہے۔ Tuberculosis Amidst COVID-19 Pandemic
اگر آپ کو علامات نظر آئیں تو کووڈ ٹیسٹ کروائیں
ڈسٹرکٹ تپ دق افسر نے کہا کہ اگرچہ اس موسم میں کھانسی، نزلہ، بخار عام ہے، لیکن ان کا علاج معمول کے مطابق کرنا درست نہیں۔ بہتر ہے کہ کووڈ ٹیسٹ کروائیں اور پھر رپورٹ کے مطابق برتاؤ کریں۔ اگر کووڈ رپورٹ مثبت آتی ہے تو خاندان کے دیگر افراد کی حفاظت کے لیے ان سے دور رہیں۔ اپنے کپڑے وغیرہ الگ رکھیں اور ڈاکٹر کے مشورے پر ہی علاج کریں۔
ٹی بی کی علامات
ڈاکٹر جین نے کہا کہ اگر کسی کو دو ہفتے سے زیادہ کھانسی، بلغم کے ساتھ خون آنا، بخار، وزن میں کمی، رات کو سوتے وقت پسینہ آنا ، یہ ٹی بی کی علامات ہو سکتی ہیں۔ آپ کسی بھی قریبی صحت مرکز میں ٹیسٹ کروا سکتے ہیں۔ ٹی بی کا ٹیسٹ اور علاج مفت ہے۔ TB Symptoms
مزید پڑھیں: بنارس میں ٹی بی کے مریضوں کی شناخت کرنے پر 500 روپیے کا انعام
